Бурханы хүүхдийг өсгөх адислал хүртэх хэмжээний хүн би мөн болов уу гэж байнга боддог.

Одоо бид Тайвань буюу Формосагийн Чиа-Туны мандарин хятад хэл дээр илгээсэн захидлыг олон хэлний хадмал орчуулгатай хүргэж байна:

Бурханд талархъя, Их Багшид талархъя. Хүүхэд маань амьдралдаа анх удаа хоёр өдрийн Арьяабалын дияан бясалгалаа дүүргэлээ! Төрсөн цагаасаа л веган байсан тул би ургийн хөдөлгөөнийг нь хэвлийд анх мэдэрснээс хойш тэр надтай харилцаж байсан. Мөн надад энэ бэлгийг өгсөн Бурханд чин сэтгэлээсээ талархаж байна. Бурханы хүүхдийг өсгөх адислал хүртэх хэмжээний хүн би мөн болов уу гэж байнга боддог.

Энэ хүртэл би хүүхдээ сайн сургаж, төвийг хайрлаж, Шихү Ашрамыг хоёр дахь гэр гэж үзэхэд зааж чиглүүлж, урам зориг, замчлал хүсэн Бурханд олон удаа залбирч байсан. Би түүнтэй бясалгалд хамт явж, зугаацаж, амттай веган хоол идэж, веган хоол идэхэд тохиромжгүй газруудад түүнд байгаа нөөц бололцоогоо хэрхэн зөв ашиглахыг зааварчилдаг байсан тул тэр сайн веган хоол идсээр ирлээ.

Хичээл дээрээ веганизмын талаар тэр тогтмол хуваалцдаг байсанд би Бурханд талархаж байна. Хайр татам амьтан-хүмүүсийг тэр хамгаалахын тулд боломж гарах бүрт, тэр ч байтугай тэмцээн, үйл ажиллагаанд оролцохдоо ч веган хоолны ашиг тусыг сурталчилна.

Тэрээр Эх дэлхий болон амьтан хүмүүсийн төлөө ангийнхан нь хоолны зуршлаа өөрчилж чаддаггүйд гайхан, заримдаа бухимдах үедээ энэ тухайгаа бидэнд ярьдаг юм. Их Багшийн номуудыг уншин Суприм Мастер ТВ-ийн нэвтрүүлгүүдийг үзэн веган дэлхий удахгүй биелээсэй гэж хүсэмжилдэг.

Тэрээр энэ мөрөөдлөө үргэлж хадгалж ирсэн тул энэ нь түүний их сургуулийн төгсөлтийн төслийн дизайны концепцэд ч тусгалаа олсон байдаг. Тэрээр “Дэлхий дээр тохиолдож буй гамшгийн давтамж нэмэгдэж байгааг харгалзан бид байгальтай нөхөрлөхийг дэмждэг бага сургуулийн концепцийг бий болгосон. Бид хүүхдүүдийн боловсролоос эхлэхийг хүсч байна, ингэснээр дараагийн үе байгальтай холбоогоо сэргээж, улмаар байгалийг нандигнан хайрлаж, амьтан-хүмүүсийг халамжлах боломжтой болно!” гэсэн.

Бурханд талархъя. Таны Замчлалаар тэр веганизмыг сурталчлах ажилд бидэнтэй нэгдэж, бидэнд шинэ итгэл найдварыг харах боломж олгож байна. Ирээдүйд шинэ үеийн улам олон хүн голын цутгал мэт нэгдэж, веган дэлхий болох мөрөөдлийг биелүүлнэ гэдэгт бид итгэж байна! Хүндэтгэсэн, Чиа-Тунг, Тайвань (Формоза)-аас

Үзэл бодол нэгтэй Чиа-Тун, та хоёр хамт ямар сайхан эв зохирлыг бүтээгээ вэ. Танай охин хэмжээлшгүй их золтой юм. Учир нь түүнд аминч бус, хязгааргүй их хайр дүүрэн ээж нь замчилж байна. Их Багш танд болон охинд тань сайхан үгсийг баяртайяа илгээж байна:

"Эелдэг Чиа-Тун, таны халамжит чанар охины тань Дэлхий дээрх аялал эхлэхээс ч өмнө түүний амьдралд Бурханы сургаалыг үзэсгэлэнтэйгээр холбогджээ. Бурханы үнэнч шавийн жинхэнэ мөн чанарыг тээж буй та хоёрт баярлалаа. Охиндоо амьтны найзууддаа туслах гэсэн чин сэтгэлийн хичээл зүтгэл нь хэзээ ч талаар өнгөрөхгүйг ойлгуулж хэлээрэй. Учир нь үүний эерэг үр дүн цаг нь болоход жамаараа илэрнэ. Танд болон Тайвань (Формоса)-ийн халамжит ард түмэн дээд билиг ухаанаар адислагдах болтугай. Эрхэм хайрууд минь, хоёуланг нь чанга тэвэрье. Үнэхээр их хайртай шүү."